Барилгын агааржуулалт муу хийгдсэнээр салхивчийн хоолой исгэрч дуугарах, цонх хөлрөх, хананы буланд мөөгөнцөр үүсэх, утаа орж ирэх, бохир үнэртэх, уур хиншүү гадгашлахгүй байх зэрэг асуудлууд тулгардаг. Энэ нь бидний ажиллаж, амьдрах орчныг тавгүйтүүлэх, бизнесийн ашиг орлого бууруулах, барилгын насжилтад нөлөөлөх зэрэг сөрөг нөлөөлөл үүсгэдэг. Барилгын салхивчийн системийг ердийн ажиллагаатай, механик ажиллагаатай гэж хуваана.
Агаарын жингийн ялгаварын даралтыг ашиглан төлөвлөснийг ердийн ажиллагаатай гэх бөгөөд ихэвчлэн орон сууцны барилгад угсрах бол агаарыг хөргөх,халаах, чийгшүүлэх, шүүх зэргээр сорох, өгөх үйл ажиллагааг механикжуулсаныг механик үйл ажиллагаатай салхивчийн систем гэнэ. Энэхүү механик ажиллагаатай системийг эмнэлэг, лабораторийн болон үйлдвэр, үйлчилгээний, тусгай зориулалт бүхий барилгад угсрана.
Бид энэ чиглэлд хөрөнгө оруулалтын байгууллага, барилга угсралтын компани, уул уурхайн компани, нийтийн хоолны чиглэлд үйл ажиллагаа явуулдаг байгууллага, хувь хүн, үйлдвэр, үйлчилгээ эрхэлдэг байгууллагуудтай хамтран ажиллаж байна.
Барилга МН
